• Saytın MOBİL versiyasına keçid
Xəbər lenti
Gömrükdə akkumulyatorlara görə artıq ödəniş tələb olunub? - Komitədən cavab
 “Rovel Trading” şirkətinin direktoru İntiqam Həsənov iddia edib ki, Dövlət Gömrük Komitəsinin (DGK) Enerji Resursları və Dəniz Nəqliyyatında Baş Gömrük İdarəsi tərəfindən adıçəkilən şirkətin malları sənədlərində uyğunsuzluq olmadığı halda qanunsuz şəkildə saxlanılıb və qanunla müəyyən edilən miqdardan artıq gömrük ödənişləri tələb olunub.
Lideraz.Tv Oxu.az-a istinadən xəbər verir ki, DGK-nın iddiaya cavab olaraq yaydığı məlumatda bildirilir ki, “Rovel Trading” MMC “Dörtel Otomotiv San ve Pazarlama Tic. Ltd. Şti” şirkətindən idxal edilən “Mutlu” markalı müxtəlif növ elektrik akkumulyatorlarının gömrük rəsmiləşdirilməsinin aparılması üçün cari il iyulun 8-də Enerji Resursları və Dəniz Nəqliyyatında Baş Gömrük İdarəsinə müraciət edib.
Qeyd olunan malların gömrük rəsmiləşdirilməsi zamanı Azərbaycan Gömrük Məcəlləsinin 221-ci maddəsinə, həmçinin “Gömrük tarifi haqqında” qanunun 12.1.2-ci maddəsinə, yəni gömrük dəyərinin müəyyən edilməsinin 2-ci üsuluna əsasən araşdırma aparılıb.
Araşdırma nəticəsində idxal olunan “Mutlu” markalı müxtəlif növ elektrik akkumulyatorlarının gömrük dəyəri ilə bundan əvvəl ən yaxın tarixdə həmin şirkət tərəfindən gətirilən eyni adda malların dəyəri arasında 10 200 manat kəskin fərqin olduğu müəyyən edilib.
Bu səbəbdən həmin gömrük bəyannamələrində gömrük dəyərinə müvafiq düzəlişlərin edilməsi barədə qeydlər aparılıb və bu barədə “Rovel Trading” MMC-yə məktubla məlumat verilib.
Komitə qeyd edir ki, bu, “Rovel Trading” MMC-nin gömrük qanunvericiliyini pozması ilə bağlı ilk cəhdi deyil. Belə ki, həmin şirkət Bakı şəhəri Binəqədi Rayon Məhkəməsinin qərarı ilə 2017-ci ildə İnzibati Xətalar Məcəlləsinin 491.1-ci maddəsinin tələblərini pozduğuna görə 57 481 manat məbləğində cərimə olunub.шаблоны для dle 11.2
Tarix: 18-07-2019, 12:25
Baxış sayı: 34



«    Oktyabr 2019    »
BeÇaÇCaCŞB
 123456
78910111213
14151617181920
21222324252627
28293031